إحســـاس
08-07-2007, 03:34 PM
ورق .. شفني مكبل فم.. والقضبان
مشاعر طفل مسلوبً.. من اشعوره
تكلم يا قلم.. حاول تصير لسان
لشاعر مات صوته وسط حنجوره
لفيتك ضحكةً.. مورق عليها اغصان
صباحً.. صحصح بوجنات سنيوره
لو ان اكثر ملامحها.. بلا الوان
زوايا باهته.. لو تغري الصوره
ومع هذا.. لفيتك دامك الاوطان
لو انك مانسرق من شاعري دوره
وعادي..! لو سرقت شعوري التلفان
ماهي راحت وطن ونقول منصوره
وشب النار فيني واشتعل بردان
لو اني مشعل في البرد ديجوره
بلاش اكون شاعر فلته ان ما كان
حضوري مشعل قدامي احضوره
وقمت ادور لبعضي وانا بستان
زهوره راويه واليوم يا زهوره
انا واريح ضعنا بغره الريحان
الين انّا تلاقينا على عطوره
بجي كني طريق يفح به عطشان
ضما والوقت صب من العطش جوره
وقلت ابرق شعر واتساقط بقيفان
عشان ازهر على حدب الورق بوره
فأذا عرت اصابيعي ربا الوجدان
وش الي بستره دام الورق عوره
لو ان الباب يستر ما ورى الحيطان
ما شفت الناس تدري وش ورى سوره
هنا..هنا يالدفتر الي ممتلي تحنان
شف الي في ضلوع الصدر محفوره
قدرت ارسم على وجه التعب انسان
وعجزت القا لي بصدر الورق صوره
واذا جيت اكتب لغيري على الجدران
وقف بيدي هنا مليون .. طبشوره
وانا الي بي تعب..هم..وعنا..واحزان
ومستوره ؟.. يا عمي ايش مستوره !!
وش الي عاد بحكي به وانا يا فلان
شعوري صبح.. مات بعين عصفوره
تقلم..! يا قلم..!! حاول تكون لسان
لشاعر مات صوته وسط حنجوره
تعبت انثر شعوري واكسر الاوزان
عشان اجبر خواطر ناس مكسوره
محمد بن ساقان القحطاني
مشاعر طفل مسلوبً.. من اشعوره
تكلم يا قلم.. حاول تصير لسان
لشاعر مات صوته وسط حنجوره
لفيتك ضحكةً.. مورق عليها اغصان
صباحً.. صحصح بوجنات سنيوره
لو ان اكثر ملامحها.. بلا الوان
زوايا باهته.. لو تغري الصوره
ومع هذا.. لفيتك دامك الاوطان
لو انك مانسرق من شاعري دوره
وعادي..! لو سرقت شعوري التلفان
ماهي راحت وطن ونقول منصوره
وشب النار فيني واشتعل بردان
لو اني مشعل في البرد ديجوره
بلاش اكون شاعر فلته ان ما كان
حضوري مشعل قدامي احضوره
وقمت ادور لبعضي وانا بستان
زهوره راويه واليوم يا زهوره
انا واريح ضعنا بغره الريحان
الين انّا تلاقينا على عطوره
بجي كني طريق يفح به عطشان
ضما والوقت صب من العطش جوره
وقلت ابرق شعر واتساقط بقيفان
عشان ازهر على حدب الورق بوره
فأذا عرت اصابيعي ربا الوجدان
وش الي بستره دام الورق عوره
لو ان الباب يستر ما ورى الحيطان
ما شفت الناس تدري وش ورى سوره
هنا..هنا يالدفتر الي ممتلي تحنان
شف الي في ضلوع الصدر محفوره
قدرت ارسم على وجه التعب انسان
وعجزت القا لي بصدر الورق صوره
واذا جيت اكتب لغيري على الجدران
وقف بيدي هنا مليون .. طبشوره
وانا الي بي تعب..هم..وعنا..واحزان
ومستوره ؟.. يا عمي ايش مستوره !!
وش الي عاد بحكي به وانا يا فلان
شعوري صبح.. مات بعين عصفوره
تقلم..! يا قلم..!! حاول تكون لسان
لشاعر مات صوته وسط حنجوره
تعبت انثر شعوري واكسر الاوزان
عشان اجبر خواطر ناس مكسوره
محمد بن ساقان القحطاني