هذا ثمر قلبي تدلى قبل ياتي موسومه

[إحســـاس]

رائعه صالح السكيبي في برنامج شاعر المليون


هذا ثمر قلبي.. تدلى قبل ياتـي مـوسمـه
مدي يدينك واجمعي فرقاك من عذق العتب

انا ثملت من الفراق الي خذا وجهي سـمـه
شوفي ملامح غيبتـك تقرى قبل لا تنكـتـب

في وجهي الشاحب وفي آهات صدري ونسمه
في ناضر عيون ٍ هميل الوجد منها ينسكب

يا نور لحظات ٍ غدت من دون وجهك معتمه
وينك؟بدا هذا الحنين بجوف صدري يحتطب

ياحب ٍ إجتاح الضلوع وفج قلبي وقسمه
نصفين..وأزريت اجمع النصفين وغيابك سبب!

حب ٍ بقى لو واقعه مره بحاليه.. صدمه
عشق ٍ حيا رغم العطش في روض روحي معتشب

ليت الغلا ذنب ٍ تجناه الخفوق ويندمه
وليت الصبر جرم ٍ اليا طاولت همي يرتكب!

إلى متى وأنا اهين الوقت وأرجع واحشمه
وأنا على رجم الوصال اشرف.. وأنادي.. وأرتقب

ياأم العيون الفاترات الناجلات المغرمه
يا من رموش عيونها تشكي سبب عكش الهدب

يامبسم ٍ له ضحكة ٍ تنطق بشي ٍ تبهمه
يانبرة ٍ لامن حكت كل المعاني تنقلب

ياللي خذيتي خافقي قبل اعرفك واقدمة
ياللي غيابك لحن ٍ تغنيبه أعواد القصب

عودي على قلب ٍ طواه الهم والشوق هزمه
قلب ٍ معك غنايمه ضاعت ولاادري وش كسب؟

أنا انتهيت وشوقي بصدري بدت له همهمه
جمر انتظاري سَمدت ناره وانا صرت الحطب

حتى ثمر قلبي تدلى قبل ياتي موسمه
هزي طرف جذعه تساقط لك من عذوقه عتب!

[لامار]

صح لسان صالح السكيبي وصح يمناك احساس على نقلها لنا لنتذوق الجمال


احساس


انتقاء رائع من شخص ولا اروع


دمت بود غلاي

[الهاجري]

ياأم العيون الفاترات الناجلات المغرمه
يا من رموش عيونها تشكي سبب عكش الهدب

يامبسم ٍ له ضحكة ٍ تنطق بشي ٍ تبهمه
يانبرة ٍ لامن حكت كل المعاني تنقلب

إحســـاس

يعطيك الف الف عافيه

نجيز هاي القُصيده < ركزلي على الشده فوق القاف خخخخ

[راحـل]

إلى متى وأنا اهين الوقت وأرجع واحشمه
وأنا على رجم الوصال اشرف.. وأنادي.. وأرتقب

صح لسان صالح السكيبي

وتسلم يمينك احساس على القصيدهـ الرائعه

لك كل الشكر والاحترام

[إحســـاس]

لامار صح بدنك

وتسلمين على مرورك وكلماتك الرائعه

دمتي بود غلاي

الهاجري

يسلمووو على مرورك

وانت اروع من الدكتور :)

يعطيك العافيه يالغالي

الراحل

يسلموو على مرورك

وعلى كلماتك وتشجيعك المميز

اتمنى لك وللموقع التوفيق

تحياتي للجميع