الشاب ما يعيبه شي... صح ولا ..!!؟؟

[لامار]

موضوعي اليوم يخص الشباب ومانبيهم يزعلون علينا....اوكي؟؟؟

بس نبي الصراحه ونطرح نصيحه وفكره فقط؟؟؟

جملة دوم نسمعها على السان آبائنا واجدادنها وامهاتنا .(((الرجال مايعيبه شي )) هالجمله ليومنا نسمعها صح هالجمله ولالا

الجمله هذي عطت شبابنا منطلق الحريه في ارتكاب الاخطاء ولما نقول لهم غلطتو يقول لنا رجال مايعيبه شي ...

وتصير كثير ونسمعها ..لما تجي تنصح اخوك الصغير او الكبير..وتقوله ليش تكلم بنات مو عيب يقول

رجال مايعيبني شي .. ليش تشرب سيجاره يقول مايعيبني شي ...تقوله عيب تواعد يقولك عادي رجال

مايعيبني شي ..ماتفتح معاه موضوع الا وقال مايعيبني شي

صلاه وام وابوه وربعه وربيعاته وكل عنده رجال مايعيبني شي ....

واذا قلت له وقارتنة بينه وبين اخته وقلت لو اختك كلمة شباب مو عيب يقول لا والله انا رجال شايل

عيبي بس البنت بتجيب السمعه الوسخه والعار لاهلها ..زين لو قلت له عادي اختك تشرب سيجاره يقول

تخسي الا هي هالناقص بعد هي بنت وعيب ...يعني العيب والحرام على البنات و ونفس هالحرام والعيوب

له هو حلال .. ودوم يقول انا رجال مايعيبني شي


((تعال خبرني فالقبر بتكون رجال مايعيبك شي ؟؟؟؟))

((يوم القيامه بتكون رجال مايعيبك شي؟؟؟؟؟))

((لما توقف قدام ربك يحاسبك بتقول مايعيبني شي ؟؟؟؟))

اتمنى من الشباب مايزعلون علي بس خبروني

((شو بسوي لما تجيك اغلاطك واخطائك وذنوبك فالقبر وتهد حيلك شو بتقول لها رجال مايعبني شي؟؟؟))

ممكن اسمع رد كم من دون مازعلون ..

[راحـل]

اللهم اجرنا من عذاب القبر وعذاب النار

حسب العادات والتقاليد عند العرب فإن الرجل لايعيبه شي ولكن هذهـ العادات من الجاهليه قبل الاسلام وكانوا قبل الاسلام يقتلون البنات خوفا من العار قال تعالى ( وإذا الموؤدة سئلة بأي ذنب قتلت )

وجاء الاسلام لكي ينير طريقنا ويخرجنا من الظلمات الى النور

فكلنا عند الله سواء قال تعالى ( ياأيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء )

لذلك فإن الرجل يعيبه كما يعيب البنت هذا اذا اخذنا الموضوع من الدين الاسلامي

ولكن كما قلت أعلاهـ تطغى على العرب عادات وتقاليد الجاهليه لذلك يجب ان نبتعد عن عادات الجاهلية وان نجعل تعاليم الدين الاسلامي هي عاداتنا وتقاليدنا

اللهم لاعلم لنا الا ماعلمتنا به

ومشكورهـ لامار على فتح النقاش في هذا الموضوع الشائع والمنتشر بين اوساط الناس

وسلمت الانامل على حسن الانتقاء

[لامار]

راحل


مشكور على تعقيبك الرائع وكلامك الموزوون



دمت بود

[استايل خاص]

لامار


بالنسبه لموضوووع الشاب لايعيبه شيء

فهذه عادات اجتماعيه او بمعنى اخر هذه هي حال المجتمع العربي

يعني نتحدث عن معتقدات اجتماعية بحته يصعب تغييرها في يوم وليله

وانا اؤمن بأن ماعلى الرجل هو على المرأة,,,

لذلك يجب ان يعاب الرجل لا كن بحدود المعقووول حيث ان هناك فوارق

بين الرجل والمرأه..

[لامار]

ستايل


انا اشوفك للحين تقول فوارق...... وشهي الفوارق بنظرك ...!!!!؟؟؟


دمت بود

[استايل خاص]

هلابك لامار

طيب انتي اخذتي جزء من كتابتي وتركتي الباقي !!!!!

مافيه مشكله بعلق على الفوارق بشكل موووجز الكتاب والسنه حدد الفوارق بين الرجل والمرأه

[لامار]

بصراحه


للحين ما فهمت


دمت بود

[المغرورة]

صراحة انا استغرب من الناس اللي يقولون


((الرجال ما يعيبه شي))



احسهم"مع احترامي الشديد" متخلفين



يسلمو على الموضوع الحلو

[حلـآتے بـڪـبريِائے]

بصرآآحه هادي الموضوع منتشر لدرجه الملل اقسم بالله
ليش بتكلم بنات .........الخ انا رجال مايعبني شئ
وانت وجهك ماعندك اخت ماعندك ام بنتك بالمستقبل ماخفت
الدنيا تدور عليها
تخلف اقسم بالله ر مافي فرق بين المراه والرجل كلهم سواسيه

الله المستعان
يعطيك العافيه غلاتي

[رفسة حب]

السلام عليكم
بصراحه بصراحه هذي مقوله والكل يرددها بدون محد يفكر فيها!
الرجل يعيبه اشياء كثيره ويمكن كثير منكم مايحس فيها وهذي مشكلة مجتمعنا بصراحه .. عديمين الاحساس
البطاله عيب, تتسلف من اهلك عيب, ماتقبلك الجامعه لان نسبتك ضعيفه عيب
تجلس مع شلتك وكل واحد فيهم راتبه فوق الثمانيه الاف وانت راتبك مايتعدى 1500 عيب
تتقدم تخطب بنت وانت تشتغل في مطعم او سكيورتي ((عيـــــــــــب)) واللي بيقول غير كذا بأقول له انك منخدع بالمثاليه ومو واقعي!
وكل اللي قلته مالها علاقه بالمجتمع !! محد يقول عيب الا وهو يتكلم عن نفسه مو عن المجتمع!

لا تنخدعون بكلمة ((عادات المجتمع)) اللي صرنا نسمعهم يرددونها كأنها شي غلط!!
أثبتو لي و بالواقع مو بالكلام اللي تسمعونه ان فيه عادات اجتماعيه سلبيه!!
مو كل شي ما اعجبكم قلتو عادات مجتمع!! من اللي جاب هالعادات وصار يرددها وهو الله اعلم بأصله من الاساس وقاعد يتكلم عن مجتمع بأكمله؟؟
كل شي تسمعونه شين وما اعجبكم قلتو هذي عادات مجتمع ونسيتو انها سلبيات (((شخصيه))) ومالها علاقه بالمجتمع والمجتمع بريء منها!!

اما من ناحية الدين ... فالحمدلله دين الاسلام واضح وعارفين (الحلال من الحرام)
ولا تنسون انه لا القرآن ولا السنه ورد فيها كلمة "عيـــــب" ولا انا غلطان؟
فيها حلال وحرام وجائز ومكروه ومستحب !! ماقد مرت علي جائز بس عيب ولا حرام لانه عيب!
الدخان حرام (وهذا الكلام للاخت كاتبة الموضوع ترى الدخان حرام على الشباب وعلى البنات .. من قال انه حلال على الشباب؟؟)
ومغازل البنات للشباب والعكس برضو حرام الخ...

<< متحمس وخرووو عنه :b1011:

[جنون البشاير]

وجهة نظري من وجهة نظر رفسة


يسلمو على الطرح

[جانيتا]

صراحة حتى انا استغربة في الناس اللي ما زالو يعتقدون ان الرجل ما يعيبه شي




يسلمو

[قلم رصـاص]

ثقافة مجتمع صحراوي متحجر متخلف للأسف .. نسف الاسلام كثير منها وبقي البعض يعشعش في رؤوسنا
الرجل لايعيبه شئ مشتقة من فكرة ان المرأة خلقت لخدمة الرجل وان الحياة تدور حول الرجال
للاسف كما قلت هناك افكار لها جذور قديمة للغاية ومن الصعب التخلص منها
ولكن اول واهم مراحل التخلص منها ان يعرف الجيل الجديد ان كل مايعيب المرأة يعيب الرجل
وان الرجل والمرأة في ميزان النقد واحد ولافرق يذكر بينهما.

اسثارني رد لاحد الاضاء الاعزاء ومادري صراحة وش يقصد .. او انه خانه التعبير !!
تتقدم تخطب بنت وانت تشتغل في مطعم او سكيورتي ((عيـــــــــــب)) واللي بيقول غير كذا بأقول له انك منخدع بالمثاليه ومو واقعي!
وكل اللي قلته مالها علاقه بالمجتمع !! محد يقول عيب الا وهو يتكلم عن نفسه مو عن المجتمع!

هل الانسان الي يشتغل بمطعم او سكيورتي المفروض انه يستحي ع عمره ومايجلس مع الناس لان وظيفته اقل من الباقيين !!
مو ع اساس ان الشغل مو عيب .. وان العيب ان الواحد يجلس ببيت امه بدون شغل ولامشغلة !!

[رفسة حب]

سثارني رد لاحد الاضاء الاعزاء ومادري صراحة وش يقصد .. او انه خانه التعبير !!
هلا بك حبيب قلبي
الحمدلله انا والتعبير اصدقاء ومانخون بعض هههههههه

كمّل الجمله اللي انت اقتبستها لاخرها لأن المقصود مكتوب باخر الجمله ^_^
واللي هي .. منخدع بالمثاليه ومو واقعي

جوابك مثالي والمثاليه ضد الواقع! واذا بتقول انه فعلا الناس يقولون كذا وهذا اللي يصير في منطقتنا بأقول لك صحح نظرتك -_^
ان ماقالو عيب بوجهك .. بتشوف هالكلمه بعيونهم.

[حنين الغرام]

بصراحه أنا مع كلام راحل ..
ويسلموو عالموضوع..