المساعد الشخصي الرقمي

مشاهدة النسخة كاملة : :.:.اكتب اسم شآعر والي بعدك يجيب له شعر ارجو التفاعل.:.:

мяђƒт άLά7sάs
03-29-2009, 05:50 PM
السلام عليكم ورحمة الله وبركاته ..


اليوم اللعبه الى جايبتها لكم..

اللعبه باينه من عنوانها..


تجيبون اسم شآعر..والي بعدك يجيب..

((شعر له))

مثلاً:سعد علوش..الي بعدي:
ياصاحبي جيتك اشكيلك من حوالي ..
جيتك ومادامك رفيقي ليه اطوله..العلم ومافيه يااول واخر مالي..عندي رساله ولا ادري كيف اوصلها..
للي سبتنيوانا قلبها سالي..
_______اضنكم فهمتو..

يالله نبدا**
((حامد زيد))


اتمنى تعجبكم
انا ماشفت مثل هالعبة في المنتدى
بس حاسة سمو بيقولي مكرررة
بس انشاءالله لا
تحياتي:.:.:.:)
روح الطفوله
06-13-2009, 08:24 AM
إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره


سعود بن عبدالله
мяђƒт άLά7sάs
06-13-2009, 04:49 PM
آسف نسيت اسمك
ماصرت أقوله
مرة أناديك بحبيبي
ومرة أناديك بحياتي
ومرة يا قلبي وعيني
ومرة ياأجمل سنيني
وما صرت أقول اسمك
بس تخير...قل كلمة
قلتها لك وخلها اسمك
من كثر ما أهواك أنسى
إن في الدنيا أسامي
وكل حب فيني أمسى
كثرة نساني كلامي
ياللي تاخذني أنا
وتترك الدنيا هناك
ونجمة ما فيها سنا
قلت ابو قدها معاك
ونسهر في ذاك البعيد
ونتركا بالقمر
يالله نحسب من جديد
من هنا يبدأالعمر
وردها لي
وأنسى اسمي
وقل حبيبي
وقل حياتي
وقل تخير ..أي كلمة
قلتها لك
وخلها اسمك
الي بعدي
شعر للامير عبد الرحمن بن مساعد
نبضة حزن
06-13-2009, 08:57 PM
اسم الشاعر جرير
نبضة حزن
06-13-2009, 09:09 PM
تعبت أنزف جراحي حبر و أدور للألم iiأسباب

لجل أكتب شعر يحكي بعض أصغر iiمعاناتي

قفلت من الأسى بابي وسجنت الكون خلف iiالباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد iiكذاب

و أحد ما طال تجريحي و أحد عايش iiلزلاتي

أنا شاعر رغم أنف الحسد والحقد و iiالأحباب

وانا ياحاسدي المسكين بعيد العيب عن iiذاتي


أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى iiالأصحاب

قصيدي بلسم المجروح ونبض الناس iiأبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا iiوهّاب

وابي أحيا جبيني فوق ما تملكني iiرغباتي

من الدنيا أنا مابي سوى عفو العلي iiالتواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في iiركعاتي
●‹‹ніјяай››●
06-14-2009, 01:16 AM
موضوع رووعهـ ....~

لي عوودهـ

...

يسلموو هدايه ..~
ملاك الكون
06-14-2009, 05:19 AM
تسلميـــــــــــن هــدوؤوي ياقلــــــــبي عاللعبهـ الحلوهـ
ولاهـــنتي فديتج