عســـانيــ المووت ..

[أزهار عمري]

الحب .. طفل ٍ سكن شعري وهوجاسي
وفي ظلوعي العـوج ربيتـه وكبّرتـه

خذاني من .. الوطن والناس وانعاسي
وابـلا قناعـه .. تقبّلتـه و بـرّرتـه

سلمت أمري إليه وطحـت متواسـي
إلين ماصار شـي ٍ مـا تصوّرتـه !!

حبيبتي .. كيف اكذّب حزني وياسـي
لو العذر يعـذرك قبلـك تعذّرتـه !!

الله يسامحك .. ما قدّرتـي احساسـي
وانا على شانك .. الاحسـاس قدّرتـه

نسّاني الهم .. غالـي ربعـي وناسـي
وذكرت ربي .. وقلبي فيـك ذكّرتـه

ودوّرتي اسهل طريق .. لضيقة انفاسي
ماكن درب الفرح .. لرضاك دوّرتـه

يـا سيّـدة خافقـي ومحطمّـة باسـي
كـم مـرة ٍ لمـت خفّاقـك وحذّرتـه

صحيح احبك .. وآخاف فراقك القاسي
وخطاك .. يامـا تجاهلتـه ومرّرتـه

لكنّـي اليـوم لا ذاكـر ولا نـاسـي
ودّعتك الله .. وقلبـي عنـك صبّرتـه

عساني الموت .. كان بينحني راسـي
ويا جعلي الضيم .. لو مبداي غيّرتـه



الشاعر :محمد جار الله السهلي ..

[جــــــــــوريـ]

ابيات رائعه حقااا

وفقتي باختيارك

يعطيك ربي العافيه

[أزهار عمري]

الله يعافيج ..

والاروع مرورج العطر ..

لج تحيااتي :)

[راحـل]

عساني الموت .. كان بينحني راسـي
ويا جعلي الضيم .. لو مبداي غيّرتـه

صح لسان الشاعر محمد السهلي

وتسلم اناملك احسنتي الانتقاء

وفي انتظار جديدك

دمتي بخير

[أزهار عمري]

صــح ابدنك .. ويسلملي مروورك العطر ..

كل الجديد في الطريق اليكم ..

لك تحيااتي ..:)