هل سبب انتشار العنوسه الاكتفاء بزوجه واحده فقط

[ريم]

بسم الله الرحمن الرحيم

أحبابي الكرام موضوع كثر النقاش فيه وتنوعت أراء الناس

وخاصة في هذا الزمان الذي قد يكون هناك مبرراته وذلك لإنتشار العنوسة

بين النساء ..

وزيادت أعداد النساء بالنسبة لإعداد الرجال ...

والسؤال الذي أطرحه للنقاش وأتمنى الكل يدلي برأيه ..

هل أصبح تعدد الزوجات ضرورة في هذا الزمان

للقضاء على ضاهره انتشار العنوسه ؟؟؟؟؟؟؟

لنسمع أراء الجميع ...

وأرجو ان كل شخص يقول اللي في قلبه ولا ينحرج من الاجابه

[راحـل]

ممكن يكون السبب الرئيسي في العنوسة ... هو التعسف في الطلبات وغلاء المهووور

واعتقد ان الكفة متساويه بين الرجال والنساء من ناحية الاعداد

انا عن نفسي اعرف اسر لم يرزقوا ببنات فكل ابناء الاسرهـ من الذكور

ولكن نرجع ونقول المهووور ... خففوا من التعسف في الطلبات يابنات وماراح تعنسوا :b32::b32:

ويعطيك العافيه ياريم على اختيارك الموضوع للنقاش

وفي انتظار جديدك

دمتي بخير

[ريم]

معاك حق في كل كلمه قلتها وفعلا السبب وراء هذي العنوسه هو غلاء المهور ولكن أحيانا الشباب يقولك ما ابي تزوج مع العلم ان الله ان في عائلات ما تغلالي في المهور

والله يعافيك وشاركه لك مرورك لموضوعي وتعليقك

[علي محمد]

اولا مثل ماوضح اخوي الكريم راحل غلاء المهور وفيه اسباب ثانيه كثيره منها فيه بعض الاباء الله يهدينا ويهديهم لما تكون بنتهم تشتغل مايبي بنته تتزوج لانه لايروح راتبها وفيه فيه كثير بس والله ماادري ويش اقول واسف ماعندي تعليق للموضوع اكثر من كذا لانه خايف لااقول اشياء تخرج عن نطاق الادب اعذريني اخت ريم ومشكور على موضوعك المهم

علي محمد

[ريم]

لا عادي مو مكشله انشاءالله في موضوع ثاني تناقش يشكل اكبر

شاكره لك تعليقك على الموضوع

[الامبراطوره]

اختي(ريم)
اولا مشكوره ثانيه اقول
انا يمكن سبب العنوسة للبنات للشروط التالية
ابي دكتور او ماشبه
ابي طويل او ما شبه

فلهاذا كثرت العنوسة
ممكن تقبلين مروري
اختك
الامبراطورة

[{وًهْج الْقٌمًرْ]

في اسباب كثيره للعنوسه بعضها انذكرت وبعضها ..لا..

في بنات يقولون انا مابي فلان لاني احب فلان وبالاخير
ياخذ بنت عمه وهي تقعد..او اي وحده اهله يختارونها..

وفي بنات يجي نصيب الاصغر منهم ويزوجونها قبل الكبيره مع ان مايكون فرق
من بينهم الا سنه او سنتين والاولى ماينقال عنها عانس توها مابعد
وصلت ل20 وصارت عندنا..
السبب كانت الكبيره ناشب لها ولد عمها كل ماجاها نصيب رده انا ابغاها..

ويوم شاف اختها اللي اصغر منها هون من الاولى واصر ع الثانيه؟؟

وملكوهم وحددوا عرسهم والاولى..خلوها..محد صار يخطبها بسبة هالولد...

حلاة الرجال تكون كلمته وحده مايغير رايه بيوم وليله..

=====

وفي بنات انا ابوي فلان بن فلان اتزوج فلان واهو يكون مافيه عيب..
بالعكس سمعته معروفه والكل يمدح به..انا مابيه..مو من مستواي
<--اللي يهدي هالنوعيه من البنات..

وفي بنات اذا اصروا اهلها على واحد ماتخذين الااهو غلت مهرها..


وانا برايي اللي حرمته مو مقصره وياه لاياخذ عليها احد..وبالذات اذا كانت تموت عتراب ريوله..

اما اذا كانوا مقصرين من حقه..بس باذنها واذا كانت راضيه..

لان في رجال مايصدقون على الله..



مشكوره اختي ريم ع الموضوع..واتمنى اني ماكون طولت عليج..

الله يعطيج مليون عافيه..

[ريم]

الامبرطوره معاج حق في كل الي قلتيه وساعات البنات يحطون شروط تعجيزيه وعلى فكره هم الشباب لهم شروط مثل ابيهاموظفه وغيره وعشان جذي بعد زادت العنوسه

شاكره لج مرورج العسل هذا لموضوعي


اخت وهج اسعدني مرورج الجميل هذا وتعليقج الاجمل ومعاك جق في كل كلمه قليتها ومثل ما يقولون تعددت الاسباب والموت واحد

[غزلانه]

يعطيكم العافية جميعاً .. وبالأخص انتي اختي ريم ...
موضوعج وايد حلو ..((( السؤال اللي يطرح نفسه هل العنوسة من صنعنا نحن البنات أم من صنع المجتمع )))) أعتقد انها من صنعنا احنا البنات قبل كل شي لان الحين مافيه بنت مغلوب على أمرها وترضخ للاسرة والعادات والتقاليد مثل قبل ,, يعني بيقولون لها والله اخذي ولد حموله وخلي عنج فلان والا علان ((لالالالا)) هي البنت من نفسها بتقول اريد فلان لأنه كذا وبيوفر لي كذا وبيحط لي كذا ... مب حاطه في بالها ( من ترضون دينه وخلقه )
وبعدين عمر تعدد الزوجات ماكان سبب في تقليل العنوسة بلعكس فتعدد الزوجات أهم أسباب الطلاق و تشرد الابناء ((( لا تقولون أنه هناك زوجات أب طيبات ويحبون أولاد ازواجهم من زوجتهم الاولى !!!!!!!!!!! هاذي خرافه مثل قصص الف ليلة وليلة ... وإذا كان فيه [[[ كم من المية مليون ]]
المهم هذا مب موضوعنا .. نرجع حق الموضوع الأساسي العنوسة والاكتفاء بزوجة واحدة
1- (((( هل تقبلون يا معشر النساء أن تأتي وزجة أخرى وتشاركك في زوجك ... وخاصة وانك انت من اخذته دون شريك فية ووقفت معه على المره والحلوه حتى وصلتم بر الامان وفجأة تأتي اخرى وتأخذ كل ما صنعت في احلى سنوات عمرك لترتاحي ؟؟؟!!! ))))
2-((( هل انت كزوجة ثانية أو ثالثة ترضين أن تأتي الثالثة أو الرابعة بعدك وتشاركك النصف أو الثلث زوج ليصبح بعدها الثلث زوج أو الربع زوج ؟؟؟؟؟!!! ))))) أتنمنى أن تكون الإجابات صادقة مع النفس دون تجميل أو تعالي أو استسلام

ولكم جزيل الشكر ولا أحد يزعل من كلامي ....

غزلالالالالالالالالالالالالالالالالالالالالالانه

[ريم]

غزلانه ردح على الموضوع ونقاشج فيه ولا اروع بصراحه عجبني وايد

شاكره لج مرورج العسل هذا لموضوعي وتعليقج الاجمل بصراحه

[ريم]

غزلانه ردح على الموضوع ونقاشج فيه ولا اروع بصراحه عجبني وايد

شاكره لج مرورج العسل هذا لموضوعي وتعليقج الاجمل بصراحه

[غزلانه]

حبيبتي ريم انتي الاروع والصراحة موضوعج المطروح حساس جداً .. ويبغيلة وقفة بصراحة مع النفس خاصة منا احنا ((( معشر النساء ))) ولا انخلي غيرنا شماعة حق افعالنا واخطاءنا .

مع تحياتي ،،،

غزلالالالالالالالالالالالالالالالالالالالالانه:36_ 3_15[1]:

[فريز]

شـوفوا انا من ارى ان سبب العنوسه بصراحه ماهو غلاء المهور المهر الواحد يجمعه يتسلف منهنا من اخوه ابوه قادر عليه لكن السب اوالا اسباب هي كالتالي :
1) عزوف الشباب عن الزواج نظرا لعدم استعداده نفسيا لرعاية الاسره لانه يبي يفل و والمتزوج مايقدر يفل ويسيب زوجته
2) ماضي البنت او سوكلها
3) ارتفاع الاسعار كالاجارات والمصاريف اليوميه الحين اللي راتبه 6 الاف ماتكفيه هو وعياله
4) الشاب يبغى بنت تكون ملكة جمال وهي عاد دوروله ملكة جمال من حقه اوحق كل شاب بس كل شش نصيب
4) شروط البنات التعسفيه وكلكم تعرفوها بس انا معتقد ان هذا من اساب العنوسه لان البنت متى تتشرط اذا بدت تختار
5) العطاله اهم سبب لان كيف بيتزوج الشخص ومافي عنده مصدر دخل او حتى لو كان يشتغل بشركه خاصه تعرفوا الشركات الخاصه ماهي مظمون للسعوديين يستمروا فيها.
شكراااااااا

[ريم]

فريز شاكره لج مرورج الجميل هذا ومعاج حق في كل اللي قلتيه وهم اللي شاركو معاهم حق
يسلمووووووووووووووووو

[مجنون]

ليس شرطاً .

فقد يكون ارتفاع أسعار المهور سبباً , وقد تكون قلة الوظائف هي السبب .


فكثير من الشباب عزب لم يتجوز مع أنه بلغ سن الزواج , ولك أن تلاحظ المجتمع من حولك .


وقد قرأت فيما قرأت ( نسيت أين قرات ) أن النساء إذا أصبح عددهم أكثر من الرجال فسيعدد الناس فطرةً , و إذا قل الرجال فسيكتفي كل رجل بأمرأته ويحافظ عليها .


أمر العنوسة في مجتمعنا السعودي يعود لإرتفاع تكاليف الزواج , وقلة الوظائف بالدرجة الأولى .