إحســـاس
07-19-2007, 12:49 PM
على الموعد بلهفه جيت لا مانع ولاتأخير
لفيت من العصر هايم مع ان الموعد المغرب
وجتني بس انا مدري شعرت الجيه هذي غير
وهي تقرب من عيوني شعرت ان الممات اقرب
وقلت:الله يهونها عسى في جيتك لي خير
انا من شفتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل واشياء لا تكتب ولا تعرب
هدت فجأه تطالعني وانا في حاجه التفسير
لجل نحكي بهدوء اكثر سألت الحلوه وش تشرب
فصاحت بي انا احبك ولك في هالحشا تقدير
وتدري ان المثل فينا وفي احساسنا يضرب
صحيح انك وفي وانك بري من تهمت التقصير
ولكن ذي عوايدهم من ايام وزمن يثرب
تكون البنت لا بن العم ورغبات الكبار تصير
وتدري الأقربون اولى مع انك للخفوق اقرب
وتدري للقدر كلمه لعادات الأهل تأثير
لذا ارجوك تتركني وان من دنيتك باهرب
شعرت بحكيها كنه قصاص وامر بالتعزير
شعرت الدنيا ضاقت بي من المشرق ليا المغرب
مشت وخلت وراها طفل مايدك وش التدبير
يحسب ان الغرام اشعار شاعر واغنية مطرب
ضحكت وماقدرت اني الافي لضحكتي تبرير
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغير
ثمان سنين اجي نفس المكان بحزة المغرب
برغم ان الثمان سنين جرح وكلفتني كثير
انا لليوم اجي وادعي تجي يارب تجي يارب
القصيده لشاعر ماعرف اسمه والي يعرف قائلها يضيف لنا اسمه من باب امانه النقل
تقبلوا تحياتي
لفيت من العصر هايم مع ان الموعد المغرب
وجتني بس انا مدري شعرت الجيه هذي غير
وهي تقرب من عيوني شعرت ان الممات اقرب
وقلت:الله يهونها عسى في جيتك لي خير
انا من شفتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل واشياء لا تكتب ولا تعرب
هدت فجأه تطالعني وانا في حاجه التفسير
لجل نحكي بهدوء اكثر سألت الحلوه وش تشرب
فصاحت بي انا احبك ولك في هالحشا تقدير
وتدري ان المثل فينا وفي احساسنا يضرب
صحيح انك وفي وانك بري من تهمت التقصير
ولكن ذي عوايدهم من ايام وزمن يثرب
تكون البنت لا بن العم ورغبات الكبار تصير
وتدري الأقربون اولى مع انك للخفوق اقرب
وتدري للقدر كلمه لعادات الأهل تأثير
لذا ارجوك تتركني وان من دنيتك باهرب
شعرت بحكيها كنه قصاص وامر بالتعزير
شعرت الدنيا ضاقت بي من المشرق ليا المغرب
مشت وخلت وراها طفل مايدك وش التدبير
يحسب ان الغرام اشعار شاعر واغنية مطرب
ضحكت وماقدرت اني الافي لضحكتي تبرير
من اللي بوقتنا مره ضحك من لدغة العقرب
رفضت استوعب اللي صار ولا استسلمت للتغير
ثمان سنين اجي نفس المكان بحزة المغرب
برغم ان الثمان سنين جرح وكلفتني كثير
انا لليوم اجي وادعي تجي يارب تجي يارب
القصيده لشاعر ماعرف اسمه والي يعرف قائلها يضيف لنا اسمه من باب امانه النقل
تقبلوا تحياتي