أبيـــــــــات مــــــــن ذهـــــب

[نــادر فـي البشـر]

أبيات من ذهب



هــذه الابيــــات تتحــــدث عـــن الحكمـــه مــن القــصــائد الشـــعــر

بعض العرب لا صار له حاجة جاك
لوهومريض ما تشيله عظامه

تسوقه اقدام المصالح وينصاك
ويشرح لك ظروفه بكثرة كلامه

وان جابت الصدفه بدربك تحاشاك
ويبخل عليك ولو حتى بسلامه

وان قلت له ياصاحبي وين دنيا
يـــقول كلٍ لاهي والسلامه

[نــادر فـي البشـر]

قلبي يبي وقت لو الوقت ما طاعه
و عيني تبي شمس لو الشمس تعميها
و نفسي مثل باقي الاجواد طمّاعه
ابي اجدّد على الفرحه لياليها
لا شك الايام للفرحات منّاعه
لو نوّرت ليلةٍ عشرين تطفيها
يظهر ثبات الفتى و النفس مرتاعه
خوفٍ على اللي نحبّه من بلاويها

[موتني الحنين]

قبل كل شيء الله يعطيك العافية على أفكارك الرائعة .. ويسعدني المشاركة معك في هذه المساحة ..


ماكل غيمة تشيل الغيث جواها

ولاكل وردة سكنها العطر باغيها

اسماء تكبر ويصغر فيك معناها

واسماء لو هي صغيرة حيل تغليها

[نــادر فـي البشـر]

الآدمي ضيف والدنيـا معازيبـه
والضيف لازم معازيبه يودعهـا


احذر رفيقك المصلحة لايباريـك
اللي يرا قدرك بحسبـة ريالـك

ان طاب وقتك قام يتبع خطاويك
وان شان دوّر له رفيـقٍ بدالـك

النفس لقمة والمنايا خواطيـف
ومن هاب له من غبةٍ ما وردهـا

الفقر مـزلاج الفعـول المجيـدة
والناس تفرق مثل فرق الاصابيع

لن مغتنمت المرجلة في شبابـك
لاشبت لو ترومها ما تصاحبـك

ما يزي الضميان حس المحاحيل
ولا ينقه الضرمان ريح القهاوي

الرجل ما يشبل الا في ذواهيبـه
ماهو عصا للبشر ويرد تايعهـا

الطيب وهبه والمراجل توافيـق
ومن لا نشا بالمرجله ما لحقهـا

[نــادر فـي البشـر]

عذري اللي متعّبني وأنا متعبه
مال قلبي على بعءض الهقاوي دليل
كل طيرٍ له اللي بالسما يجذبه
وكل غصن ٍ تجوز الـءه الهبايب يميل
صرت اقول الكلام المُرّ وأستعذبه
صرت اخاف الدفا لوني وحيدٍ نحيل
كم صبرت وليال الصبر مستغربه
لين قلـّت حلاة الصبر لوء هو جميل
الزمن صعءب والنسيان يا مصعبه
والدفاتر نشيّلها الهموم وتشيل

[●‹‹ніјяай››●]

يسلموووو نادر على الفكرهـ الراائعة



ذنبك على جنبك وخذهـا نصيحه

خذها من اللي قالها من ضميرهـ

صدقت نمام الوجيه القبيحه

ماينفعونك في الامور الضريرهـ

بكرهـ تعرف العود من شم ريحه

تعود الايام الحياه المريرهـ


صن الحيا لاهل الوجيه الصبيحه


ترى عديم الذات يتبع مصيرهـ

من اول كفات حبك رجيحه

واليوم بدلت الصغيرهـ كبيرهـ

من كلمات الشاعر الرااائع علي القحطاني

[نــادر فـي البشـر]

مشكورهـــ جران على حضورك



النوم نوم القــــلوب ودمهـــا يجـــري

مسكين قلبٍ ذبحـــه النـــوم ويمـــاري

إلحق زمانك تــرى في تاليه تــــزري

ترى ربيع العمر بــه ورد وأزهــاري

والورد به شــوك واللي يقطفـــه يدري

يازين قطفـــه لمــن بالبيت متـــواري

[حـــروف الصمـــت]

مقبل عليك بحب وأشواق وشجون
وبداخلي كل الأحاسيس تختال

مجنونه فيني أو أنا فيك مجنون
ماعاد تفرق دامنا خبال فخبال

خل العذارى في هوانا يغنـّون
للصـّبح لين يجرنا الصبح موال

ودي تعرف الناس وشكثر مفتون
باللي هواها يشرح الصدر والحال

يابنت العطاوي ليتني كنت فرعون
وأغرق في حبك وأبقى للحب تمثال

ولا أكون إللي بغيتي لك يكون
مغرم متيم شاعر إلحب خيّال

مهووس حبك؟ لا .. أنا فيك مسكون
جنـّيتك دايم معي فكل الاحوال

لو خيـّروني بينك ومال قارون
لاختارك إنتي مابها شكّ وجدال

دامك تمونين .. إيعقب غيرك يمون
راسي لجل راسك من المتن ينشال

مانيب أحبك رمش وخدود وعيون
حبيتك أخلاق وأحاسيس وأفعال

فكري بناته من غلاتك يفزّون
ماهو بتواضع مير تقدير وإجلال

اهيم وأهديك بشعر حب موزون
وأسعى مابين الحب وإلشعر رحال

أشباه ليلى خلف سورك يصفـّون
والقلب حارس والمعاليق الاقفال

إنتي سحابة شوق تمطرني مزون
وإن جفّ ماها قلت تكفيني ظلال

مالك لوااا .. ما أخون والله ما أخون
عمرك سمعتي الطيش قد خان الاطفال؟؟!!

ولا سمعتي إبليس وابليس ملعون
صام رمضان وزاده بست(6)شوال ؟؟

ماخونك إلا لا غدى القبح مزيون
ولا أشوف الذل بقلوب الأبطال

هذاك وقت ٍ كل شي ٍ به يهون
حتى المشاعر فيه بالصدر تغتال

وشكثر أحبك؟؟ وشكثر؟؟ كثر هالكون؟
مدري ..!! ترى ما شفت للحب مثقال ..

يمكن أحبك ألف ألفين مليون
ولا أحبــكـ موت وأمـوت بالحــال

ماللمحبه عــد ّ أو طــعــم أو لــون
ولاهي قصايد لا سرى الليل تنقال

هي الجواب اللي به الناس يلقون
تفسير فورة دم حرمه ورجال

وأنا أشهد إن دمـّي ودمـّك يفورون
فورة مشاعر جيل من عرض الاجيال

منتي((الجوهرة)) ... إنتي الــدرّ مكـنون
من وسط قاع البحر شفتك على الجال

شفتك يقين يشيل عن متنه ظنون
وذبيتي شالك والحقـه منـي عقــال

وشفت الشفايف عضت لسان وسنون
كنهم يقولون الجفى يالغضي طال

وراودت نفسي لا أضيع ويضيعون
لاني بجيب العيد في نشوة هبال

وصديت صدة يوسف وصحت تكفون
خلوا لنا في صفحة الطهر منزال

وقلتي : أحبك طيـش وأحبك جنون
ورديت : أحبك لكن بعقـــل وخبـال

[نــادر فـي البشـر]

ويلاه من عقل بدا فيه خله

وعين تزايد من عناها بكاها

العين تبكي واحد جايز له

ولاتبكي إلا واحد قد بكاها

ياصاحبي مهوب هالهجر كله

يازين ماتدرا عواقب سماها

الله من كبد عليهم مغله

كني عيوف خرب الرك ماها

لاصدرت مصدارها يتم خله

ولاتزاعي المقهور واللي تلاها

وجدي عليهم وجد من قربة له

اللي بجو الثور غره وكاها

أهله بعيد والدحل مايدله

وحتى ذلوله ما اقضبت يوم جاها

ماله جدى كود العبيري يهله

متذكر من قربته برد ماها

[حـــروف الصمـــت]

من حس في نقص نفسه عاتب أحبابه.؟
ويعاتب الناس والنقصان فـي ذاتـه.؟

ولو الخطا واضـحٍٍ ماحسـب حسابـه
مايشوف كبر الخطا من كبر شرهاتـه

واللي يتميـدح بروحـه لاتعـزوا بـه
لو قال أنا الزيـر لاتغـرك شجاعاتـه

أترك شجـاع العوافـي لاتهقـوا بـه
ليا صار ماصار يزبـن عنـد عماتـه

نزه جنابك عنـه وبعـد عـن ترابـه
وياعل خيـره يـلادي عنـك سياتـه

ترا حلات الفتـى مايشمـت أصحابـه
ويبعد عن اللي يضـره فـي شكلاتـه

واللـي حكابـك تـرى لابـد يحكابـه
لكن تبعـد عنـه مـن قبـل عرفاتـه

وشرهات رجلٍٍ تجيك بغصـب وطلابـه
شرهه بـلا عقـل ماحاجـه لكسباتـه

واللي بغيبـات ربعـه يفتـل أشنابـه
لو قال أنـا أغليـك لاتفـرح بجياتـه

والرجل بالعقل يقـدر يملـك أعصابـه
ويشوف درب السنع من قبـل غدياتـه

حيث الرجل عند وقت الضيق يلجا بـه
ويفرح ليـا جيـت ويسـرك بقوماتـه

لاشـك بعـض الأوادم خبـل وقلابـه
وليـا نصحتـه بـلاك بكـل بلشاتـه

وإن قلت مخطي عليك يشيل مصلابـه
وإن قلت هونت قامـت معـه شلاتـه

خبل العرب لو حشمت النفـس تبلابـه
يبـلاك والنـاس ماتـدري بغايـاتـه

وعليك فـي مايقولـه يفتـح اجرابـه
ويوهق النـاس يمـك فـي حيالاتـه

وياللـي لعبـت المثايـل فيـه لعابـه
وتحلل الحرف كـان أهملـت ظماتـه

ولا هم بمثلك علـى الأجـواد نصابـه
يوم أنت تفرح على المسلـم بغيباتـه

والحقت مشقاص نارك وأنـت شبابـه
ولاتأمن النـار تسعـر فيـك شعلاتـه

والشعر لولاه يحكمنـي علـى أدابـه
والله لرسم علـى التاريـخ بصماتـه

لغوص بحـره ويمـك لفتـح أبوابـه
لما تـذوق المـراره عقـب أهاناتـه

لبيـن اللـي خفـا وأحـرك أسبابـه
حتى تعـوذ عقـب تكويـك جمراتـه

لاشك أبا أنصحك وفهم منـي الجابـه
ماكل مـن زل ترفـى عنـه خملاتـه

لكن تجنـب طريـقٍٍ يقرصـك دابـه
وبعد عن الـداب وشجرتـه وغاباتـه

ولاتحسبنـك بتقديـرك ملـك غـابـه
ترى الملك من ملك عقلـه وشيماتـه

ومـن لايقـدر جنابـك لاتبـلا بــه
وعزز جنابك عـن الخايـب ومناتـه

تراه وإن جا مجالـك قـال طبنـا بـه
لو مافعل شئ ميـر الكـذب سهماتـه

ورزق الفتـى عنـد خلاقـه وجيابـه
ولكن عطاه الولـي فـي قـدر نياتـه

والرجل يعرف مع الأقصيـن وقرابـه
يعرف بطبعـه وطيبـه مـن جبلاتـه

والحـر يشبـع بمنقـوره ومخـلابـه
ومن طبع الحر يعـرف كـل ميزاتـه

ولو كان نزرن يفج القلـب مضرابـه
وتشوف نثر الحمر من قـو ضرباتـه

والتبع محـدٍٍ لقـا مـن فودتـه ثابـه
ولاتعجـب النفـس هداتـه وصيداتـه

والنـاس بحقوقهـم صعبيـن وذيابـه
وكلـن يحقـه يدافـع عـن كراماتـه

ولا يروح حـقٍٍ وراه أفـزوع طلابـه
ولابد من عـال ترمـي فيـه عثراتـه

وترا الفلـك كـان يمـك دار دولابـه
ماينفعك مـن بعثلـك فـي مواساتـه

وصلوا على اللي بعث بالديـن بكتابـه
وعسـى المسلميـن تبـاعٍٍ لسنـاتـه

[ميدووو المالكي]

يعطيك الف عافية عالطرح